1483/2022-2023

Aizawl, 5th August, 2022 :  India zalenna champhaphak vawi 75-na lawmna kutpui ‘Azadi ka Amrit Mahotsav’ chu rampumah uar takin kalpui mek a ni a. Mizoramah pawh district tina D.C. te kaihhruaina hnuaiah AKAM lawmdan hrang hrangte chu chak taka kalpui a nih angin vawiin khan Aizawl D.C. Dr. Lalhriatzuali Ralte, IAS, hovin Aizawl District huamchhunga AKAM Har Ghar Tiranga leh Mass Covid Vaccine Drive chungchangah hmalak zel dan tur sawiho a ni.

Sorkar laipuiin ‘Azadi ka Amrit Mahotsav’ (AKAM) lawmna chi khat atan Indian Flag Code Rules siam danglamin India hnampuanzar chu a duh apiang tan tar/zar theih a ni tawh a, sorkar pisa leh sorkar hmunah te chauh ni lovin, khawi hmunah leh mahni in ngeiah te pawh mipui zawng zawngin an tar theih turin dan a thlak thar a. Ni tlak ruala hnampuanzar lak thlak tur tih Dan awm thin pawh siam danglamin, chhun leh zanah hnampuanzar chu a zar/tar reng theih tawh dawn a ni.

AKAM Har Ghar Tiranga pualin a duh apiang tan Art & Culture Department chuan India hnampuanzar chu heng a hnuai tarlanna hmunah te Rs.20/- chawiin lei theihin a dah tawh a. Hnampuanzar hi AKAM pualin a bik takin August ni 13 atanga ni 15 chhung chu sorkar pisa leh hmun dangahte mai bakah zirna in, private building hrang hrang leh mimal inah te, highway dunga khawsa zawng zawngte pawhin an inah uar taka tar vek turin sorkar chuan a ngen a ni :-

1. State Library, MINECO

2. Vanapa Hall

3. Aizawl D.C. Office

4. Directorate of Art & Culture

5. Mizoram State Archives

6. Mizoram State Museum

7. Aizawl Municipal Corporation, Thuampui

8. LEO PLUS, D-67, 3rd Floor, Millenium Centre

9. Peniel Electricals, Vaivakawn

10. District Library, Sikulpuikawn, Republic Road

11. Petronas Oil, Chanmari

12. S.K. Variety Store, Upper Kanan

13. E.L. Drug Store, Maubawk Kawn

14. Synod Book Room, Bawngkawn

15. Central YMA Office, Tuikhuahtlang

16. MUP Office, Near Raj Bhavan

17. Sunrise Hardware Store, Ramhlun North, Industry peng

18. Ramhlunsanga In, Local Council Preseident, Kulikawn

Heng hmun bakah Aizawl Head Post Office ah Rs.25/- a aia lian hret a lei theih bawk a ni.

India sorkar chuan ‘Azadi ka Amrit Mahotsav’ (AKAM) pualin rampumah September ni 30 thleng khian Free Covid Precaution Dose lak theihin Health & Family Welfare Department hnuaiah a kalpui mek bawk a. Aizawl District huam chhungah Precaution Dose hi a duh apiang tan heng hmunah te hian a thlawnin a lak theih reng a ni (30th September, 2022 theng) :

1. Aizawl East CMO hnuaiah -

i). Chanmari Sub Centre

ii). Bawngkawn Sub Centre ah

2. Aizawl West CMO hnuaiah -

i). Dinthar Salvation YP Hall (Monday & Thursday) Time 10:00am-1:00pm

ii). Republic Sub-Centre (Tuesday & Friday) Time 10:00am-1:00pm

iii). Chawlhhmun UPHC (Saturday) Time 10:00am-1:00pm

iv). Lawipu UPHC (Saturday) Time 10:00am-1:00pm

v). Hlimen UPHC (Wednesday) Time 10:00am-1:00pm

Heng bakah hian August ni 11, 2022 ah khian AKAM Mass Covid Vaccination Drive huaihawt a ni dawn a; Aizawl hmun 2 ah Covid precaution dose hi dar 10:30am - 4:00 pm inkarah a thlawnin a lak theih dawn a ni. Mass Drive neihna hmun turte chu : 1). Assembly Annexe Building (Aizawl West CMO hnuaiah) leh 2). Bawngkawn YMA Hall (Aizawl East CMO hnuaiah). Hemi ni hian MLA leh FLAM Member zawng zawngte, Raj Bhavan leh Assembly House hnaiha sorkar pisa hrang hrang, zirna in thlanchhuah bik zirlaite bakah zaithiam larte vaccine dawng tur leh campaign tura sawm an ni ang a. Heng Mass Drive neihna hmun pahnihah hian mipui a duh apiang tan Covid Precaution Dose hi a thlawnin lak theih a ni dawn a ni.

Aizawl D.C. Dr. Lalhriatzeli Ralte chuan vawiin AKAM hnuaia hmalakna chi hnih pawimawh tak sawihona meeting neihah a buaipuitu department te chungah lawmthu sawiin mipuite pawhin heng sorkar hmalakna pawimawh takte hi theihtawpa thlawp a, AKAM Har Ghar Tiranga tihlawhtling turin mahni in leh kawt/kawn theuhah hnampuanzar tar/zar theuh turin a ngen a ni.