3636/2024-2025

Aizawl, 20.12.2024: Vawiin khan Aizawl DC Er. Lalhriatpuia hovin khan Aizawl DC Office tualzawl ah Good Governance Week hawnna inkhawm neiin, hemi pual hian Aizawl DC Office a thawkte Workshop on Good Governance Practices an nei bawk.

Aizawl DC Er. Lalhriatpuia chuan India rama Good Governance Week hman chhoh dan te sawifiahin, ram inrelbawlna tha nei tura sorkar hnathawktute mawhphurhna san thu a sawi a. Eng level ah pawh rinawm taka hna thawk in, sorkar inrelbawlna chu mipui rawngbawlna a ni tih vawng reng chungin theihtawp chhuah tur kan ni tiin thawktute chu a fuih a ni. 

He programme hi Addl. DC Pu Lalmuansanga Ralte chuan kaihruaiin officer leh staff te kim takin an tel a ni.

 Kumin Good Governance Day thupui atan “Prashasant Gaon ki Ore” tih chu thlan a ni a. He ni hi Prime Minister hlui Pu Atal Behari Vajpayee-a piancham December ni 25 chu India sawrkar chuan Good Governance Day ah a puang a. Kum 2014 atang khan kum tin hman thin a ni a. Good Governance Week hi December ni 19 atanga intanin December 24 thleng neih a ni dawn a ni.