3637/2024-2025

Kolasib, the 20th December, 2024: Vawiin khan Pu Lalfamkima, Deputy Speaker, Mizoram Legislative Assembly chuan Sadguru Company ten Kolasib Diakkawn phei kawngpui an siam mek chu a hmunah a enfiah.

Pu Lalfamkima chuan, Sadguru company tena Kolasib Diakkawn phei motor kawngpui an metal mek chu lawmawm atih thu a sawi a. Company hnathawktute chu theihtawp chhuah a hunpui thlen hma a an hna an zawh fel thei nan chak zawk a thawk turin a fuih a. Mipuite pawh Company-te hnathawh na ah an hna tithuanawp theih zawnga awm lova tawiawm turin a chah bawk.

Deputy Speaker hian Khuangpuilam a Sadguru te inbengbelh na hmun (Stock-point) a tlawh nghal a, material an hman te leh an sawngbawl dan a enfiah nghal a ni. Company ten a Electrict an lakna hrui Motor in a taichah hnuah current an neih tawh lo thu leh harsatna an tawh te an lo thlen chu Deputy Speaker chuan thuneitute phone a be nghal in a rang lama eng an neih theih nan hma a la zui nghal a ni. Hemi zawh ah hian Deputy Speaker hian Kolasib Khuangpuilam a Playground laih mek chu a hmun ah a tlawh nghal a, chak zawk a hnathawh a nih theih nan thuneitute a chah nghal bawk a ni.

Deputy Speaker hi Pu H.Lalramliana, SDO (Sadar) Kolasib leh Pu C. Lalsawtsa Addl. SP Kolasib ten an tawiawm a ni.