Vawiin  chawhma khan  Aizawl District Bawrhsap  Dr. Franklin Laltinkhuma  hovin a office ah “Hamara Jal Hamara Jeevan”  ( Our Water, our life )  tih thupui hmangin  tui tangkaina leh hlutna chungchang  sawiho leh hmalak  dan ngaihtuah in  District Organising Committee te an thukhawm  a, Er. Lalsanga,  EE PHE  Rural WATSAN  Division, Member  Secretary  chuan  “Kan tui, Kan nunna” tih thupui  hmanga Aizawl District a hmalak dan tur leh hemi chungchanga Ministry  of  Water Resources  remruat dan te a sawifiah nghal bawk a ni.

Dr. Franklin Laltinkhuma  chuan  Mizoramah  “Hamara Jal Hamara Jeevan” thupui hmanga  India Water Week  2015  hman mek anih thu leh District thenkhatah phei chuan he week hi  hman a ni tawhin hma lak anih tawh  dan sawiin  Aizawlah pawh  remchang hmasa berah  hman tum a nih thu leh  a kaihhnawih  tur  Department bik te bakah  NGO te nen ni khat awh tur Workshop buatsaih in kan nunna hnar ber  tui pawimawhna leh tangkaina, humhalh dan te zirho leh sawiho a tul thu  a sawi a, Our Water Our life tih i hmanga thupui  pawimawh tak tak  sawihawnna  leh zirtir turin  mithiamte a ruat nghal  a ni.

Workshop nei tur hian heng a hnuaia department te hi hnarkai tu tur Line Department atana ruat an ni :

1)       Executive Engineer, Minor Irrigation Department, Aizawl

2)       Project Director, Department of Rural Development Agency

3)       District Fisheries Officer, Aizawl

4)       District Soil & Water Conservation Officer, Aizawl

5)       District Agriculture Officer, Aizawl

6)       District Horticulture Officer, Aizawl

7)       District Local Administration Officer, Aizawl