Nimin 7th March 2017 (Thawhlehni) khan District Pradhan Mantri Surakshit Matritva Abhiyan (PMSMA) Committee, Aizawl District chu an chairman Aizawl Deputy Commissioner Pu Kannan Gopinathan hovin D.C Conference Hall ah an thukhawm.

Raicheh leh Hlamzuih sawihona meeting ah hian Dr.V.L.Hmangaihzeli, District Nodal Officer PMSMA, Aizawl East District in PMSMA chungchang a sawifiah a. PMSMA hi Prime Minister’s Scheme thar a ni a. India ram ah dt. 9th June 2016 ah launch niin Mizoram State ah chuan dt.9th July 2016 ah launch a ni. Hemi ni atang hian Mizoram pumpuiah PMSMA clinic hi neih tan a ni a.He scheme hi nu nau chunga thi (Maternal Death) leh nausen kum khat hnuai lam thi (Infant Death) tih tlem nana hma lakna a ni. PMSMA Scheme hnuaiah hian nu naupai thla 4 atanga a hrin thleng in vawi khat tal Doctor (Gynaecologist/MBBS) in en ngeiin, thisen leh zun test hrang hrang bakah Ultrasound a thlawnin Sawrkar damdawi in ah tih thin a ni a. Thla tin ni 9 ah PMSMA Clinic hi sawrkar damdawi in zawng zawngah neih thin a ni. He scheme ah hian Private Doctor/Retired Doctor te in volunteer tura beisei an nih angin tun thlengin Aizawl District ah chuan heng a hnuaia tarlan Doctor te hi an in volunteer tawh a ni.

1) Dr . R. Lianzama, Gynaecologist (Rtd)

2) Dr. R.L. Dangvela, Gynaecologist (Rtd)

3) Dr. Lalhmingliana, Gynaecologist ( New Life Hospital,Chanmari)

4) Dr. Lalrinpuii, Gynaecologist (Adventist Hospital, Seventh day Tlang)

Heng Doctor te chungah hian Committee chuan lawmthu a sawi a. Volunteer awm belh leh zel turin Doctor (Private Doctor/Retired Doctor) dangte pawh a sawm a ni.