Higher & Technical Education Minister Pu R.Romawia chuan vawiin khan Govt Hrangbana College ah Mizoram Legal Services Authority leh Legal Cell, Govt Hrangbana College te tangkawp buatsaih Legal Aid Clinic a hawng.
Pu R.Romawia chuan vantlang nun humhalh turin dan hi a ding a, Mizo hnam dan tung ding zel turin dan hi mitinin kan mamawh a ni a ti a. Legal Aid Clinic hmang hian rahbi thar kan chuangkai dawn a ni a ti. Legal Aid Clinic hi college zirlaite leh dan lama tanpuina mamawh rawn pantu apiangte tana a thlawna tanpuina pekna hmun tur a ni a. Ukil te enkawl tur niin, civil, criminal leh sorkar scheme hrang hranga harsatna leh harsatna dang engpawh neite tana pan theih a ni.
Legal Aid Clinic hi Pachhunga college, Hindi Training college, Govt Mizoram Law college leh khaw hrang hrangah te hawn tawh niin, hawn mek zel bawk a ni.
