351/2023-2024
Manipur state buaina thleng mek avanga mahni sahimna zawng a Aizawl District rawn pan mek leh rawn thleng tawh te buaipui dan tur chungchangah Aizawl DC chuan a hnuaia mi ang hian hriattirna a tichhuak.
1. Manipur state buaina thleng mek avanga mahni sahimna zawng a Aizawl District rawn pan mek leh rawn thleng tawh te pawh an awm a. Hetiang dinhmun kan nih avangin veng/ khaw tin a Village/ Local Level Disaster Management Committee leh Committee hnuaia team hrang hrangte tih nun vek tur a ni.
2. Manipur atanga raltlan chhungte belh tur nei lo te awm lailawkna turin mahni veng/ khaw chhungah hmunhma lo buatsaih lawk ni se.Chhungte belh tur neite leh nei lote pawh chhinchhiah vek tur ani bawk.
3. Chutiang mi an awm a nih chuan mahniin emaw VLDMC/LLDMC kaltlangin Mobile no 9233942903 ah emaw DEOC toll free no 1077 ah in report tur a ni.
4. VLDMC/LLDMC ten mahni veng/ khua a raltlan mikhual kan neih te format pek chhuah tawh hmangin lut thar kan neih apiangte nitin 2:00 pm hma in mahni bialtu Zonal Officer hnenah emaw VLDMC/LLDMC whatsapp group ah report thin tur a ni.
5. Raltlante zingah belh tur neilo emaw khawtlangin an ngaihtuah theih piah lama harsatna tawk an awm anih chuan point no 3 a number tarlan ah khian in report tur a ni bawk.
