1647/2026-2027

Aizawl the 4th August, 2026: Sawrkar hriatpuina lova petrol leh diesel zawrh chhawn hi dan bawhchhiatna niin Section 5 & 6 of the Mizoram Motor Spirit and High Speed Diesel (Prevention of Malpractices in Supply and Distribution) Order, 1992 kalh tlat a ni. Tin, Section 7 leh 8 of the Petroleum Act, 1934 in a tarlan dan chuan mimal in license ngai lova petrol (Class A) an kawl phal chin chu litre 30 (zawrh tur ni lo chauh) leh diesel (Class B) litre 2500 (container pakhat zel litre 1000 aia tam lo dawng thei chin ah) a ni a.

Chuvangin, Er. Lalhriatpuia, District Magistrate, Aizawl District chuan dan ang taka petrol leh diesel hralh a lo nih theih nan leh kangmei laka inipuite kan lo him tlan zawk nan Section 163, BNSS 2023 in thuneihna a pek angin a hnuaia thupek hi a chhuah. 

“Aizawl District huamchhungah mi tumahin phalna nei lovin Petrol leh Diesel an zuar in an hralh tur a ni lo a. Dan in a phal chin aia tam mi tumahin an kawl (stock) tur a ni lo.” 

He khapna thupek zawm lo te chu an petrol/diesel man sak an ni anga, Section 223 BNS 2023 hmangin an chungah hremna lek theih a ni bawk ang. He thupek hi chhuah a nih atangin thla hnih (2 months) chhung a huam ang. 

District Magistrate Seal-a nemnghetin he thupek hi 3^rd August, 2026 khan hming a ziah hnan.