1646/2026-2027 

Dated Khawzawl, the 4th August, 2026 : Khawzawl District Agriculture Office (DAO) hmalaknain khaw 6-ah hlawhtling taka Nihawi chin a nih hnuah tunah hian Khawzawl District khaw tinah loneituten uar zawka Nihawi an chin theihna turin Agriculture Department chuan hma an la mek.

NMEO - Oilseeds hnuaiah Khawzawl District-ah hian tlangram lo zawng zawngah buh, Sawhthing leh thlai dang karah te Nihawi chin vek a nih theih nan Agriculture Department chuan hma an la mek a. Tun thla ni 1 atangin khaw hrang hrangah Awareness Campaign an neih rualin Nihawi chi an sem chhuak a, vawiin thleng hian khaw 16-ah Campaign leh Nihawi chi semna an nei tawh a. NMEO - Oilseeds hnuaiah hian loneituten hriak hrisel an intodelh theihna tura hmalak a nih bakah sum chang thlai tam zawk an chin theihna turin hmalak a ni a. Khawzawl District-ah hian loneitu mi 2,000 chuangin buh, sawhthing leh thlai dangte an chin kara Nihawi ching tel turin DAO-ah an in report tawh a ni.

DAO Pi Lallawmzuali hovin Agriculture Staff-te chu khaw hrang hrangah inthendarhin Awareness Campaign neiin Nihawi chi an sem nghal a, Khawzawl District-a khaw tinah an kal chhuak vek dawn a ni.