3251/2023-2024

Aizawl, 06.01.2024: Election Commission of India thuchhuak angin Mizoram pumah Photo Electoral Rolls Special Summary Revision, 2024 neih a ni dawn a, hemi atana Aizawl District chhunga Draft Electoral Rolls chu vawiin khan Bawrhsap Pi Nazuk Kumar chuan DC Conference Hall ah a tlangzarh.

Aizawl District-dinhmun chu hetiang hi a ni:-

1) Aizawl District-ah Assembly Constituency 12 a awm a, Dt 06.01.2024 - 22.01.2024 chhung hian hming thunluh ngai, paih ngai leh siamthat ngaite tan dilna hun hawn a ni ang, heng dilna lutte hi ERO/AERO ten an enfiah ang a. February 2, 2024 ral hmain Form lute hi chifel hman tur a ni a. February 8, 2024 ah Final Roll publish a ni ang.

2.) Tun tum Draft Photo Electoral Rolls-a Elector awmzat chu a vaiin 2,86,813 niin, mipa 1,34,259 leh hmeichhia 1,52,554 an awm a ni.

3) Draft Electoral Rolls, 2024 atanga thil chhinchhiahtlak deuh te chu hengte hi a ni:

a) Aizawl District chhunga Voter tlemna ber Polling Station chu 7-Tuivawl (ST) AC, 26-Chhanchhuahna Polling Station niin Voter 85 an awm a, Voter tamna ber chu 13-Aizawl East-I AC, 24-Zemabawk-VIII Polling Station niin Voter 1481 an awm.

b) Aizawl District-ah EPIC 100% coverage neih a ni (Roll a chuang zawng zawngte EPIC issue vek an ni).

c) Aizawl District huam chhunga Assembly Constituency 12-ah hian Polling Station 321 a awm a, average-a lakin Polling Station pakhat zelah Elector 893 awm ang an ni.

d) Aizawl District huam chhunga Assembly Constituency 12-ah hian Service Voter 1735 an awm a ni.

Vawiin draft roll tlangzarhna inkhawm ah hian Aizawl DC chuan Special Summary Revision of Photo Electoral Rolls, 2024 chu tluang tak leh hlawhtling taka kalpui a nih theih nan ERO, AERO leh BLO, Local Council, V/C, Political Parties, tlawmngai pawl hrang hrangte leh Media te thanhnem ngai taka thawhpui turin a sawm a ni.

Election Commission of India-in ruahmanna a rawn siam angin, mi tupawh Draft Electoral Rolls hi lei duh chuan a soft copy (without photo) Rs. 100/- in leh a hard copy phek 1 Rs. 5/- zelin lei theih a ni. Amaherawhchu hard copy lei duhte chuan sawi lawk hmasak tur a ni a. A phek duh lai chauh lei theih a ni lo.

Vawiin hian election kaihhnawih official hrang hrang te bakah political party hrang hrang aiawhte leh tlawmngai pawl aiawhte an tel a ni.