Vawiin khan Aizawl DC Dr. Franklin Laltinkhuma hovin a pisaah Mizoram Tobacco Control Society hotute leh vaihlo leh a kaihhnawiha sumdawngte an inkawm.

Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution) Act, 2003 (COTPA) dan, section 7-na chuan vaihlo leh a kaihhnawih zuk chi, ei chi leh hmuam chi reng reng, vaukhanna thu leh a lem chuang bel tel a nih loh chuan siamchhuah, zawrh leh lakluh (import) a khap tlat a. Mizoramah zozial, sahdah, tuibur leh a kaihhnawih Mizo siam (local product) te hian dan in a phut ang an la zawm ve loh avangin engtin nge an kalpui ve theih ang tih vawiin meeting-ah hian an ngaihtuah ho a ni.

Mizoram Tobacco Control Society State Nodal Officer Dr Jane R.Ralte chuan COTPA danin a phut te zawm anih theih nan vaihlo leh a kaihhnawih zuartu te chu 2009 kum khan koh khawma hrilh hriat an lo nih tawh thu te, chanchinbu engemawzatah vaihlo leh a kaihhnawiha sumdawng te tana hriat tur pawimawh (Public Notice) an lo tarchhuah tawh thu te leh he dan bawhchhia te chu sum chawitir leh lungin tan thlenga hrem theih an nih dan te a hrilhfiah a ni.

Aizawl DC Dr. Franklin Laltinkhuma chuan vaihlo leh a kaihhnawiha sumdawng te harsatna hrethiam chunga Official te nen danin a phut ang kenkawh dan tur an lo sawiho zui tur thu leh hrilhhriat an nih tur thu a hrilh a ni.