2684/2025-2026

Aizawl the 16th December, 2025 : Kan vawk vulhte'n natna hlauhawm tak African Swine Fever (ASF) an kai loh nan leh a darh zel Toh nan te, mipuite kan lo him a, kan lo fimkhur zel nan vawk chungchangah inkhuahkhirhna thupek chhuah a lo ngai leh ta a.

Chuvangin, Er. Lalhriatpuia, District Magistrate, Aizawl District chuan Section 163 of BNSS, 2023 in thuneihna a pek angin, Aizawl District huam chhunga vawk vulhtute leh vawk hmanga eizawngte zawm turin a hnuaia thupek a chhuah :-

1. Aizawl District chhungah ram dang (foreign) leh State dang atangin vawk, vawksa leh vawksa atanga siam eitur chi reng reng lak luh khap flat a ni.
2. District dang, ASF hri lenna Infected Area atangin vawk, vawksa leh vawksa atanga siam eitur reng reng lak luh khap flat a ni.
3. Vawk damlo reng reng talh leh hralh khap flat a ni. Vawk damlo chu dah hran vat tur a ni a. Vawk thi reng reng, bawlhhlawh paihna hmunah leh lui kawr remchangah an paih mai mai tur a ni lo. Vawk thi reng reng thuk takah disinfectant nena phum bo tur a ni. Vawk in leh a vel pawh disinfect vek tur a ni.
4. Vawk damlo leh thi an awmin AH & Vety Department Official-te hnenah hriattir vat tur a ni.
5. Aizawl District chhung, khua leh khua emaw, veng leh veng emaw-a vawk inlakpawh tawn tur reng reng in vawk hrisel tha chauh lak tur a ni. Vawk damlo (ASF hri kai) ni-a rinhlelh awmna khua/veng atangin vawk lakluh leh lakchhuah khap flat a ni.

He thupek hi tih danglam a nih loh chuan chhuah a nih atangin thia hnih (2 months) chhung a huam anga. Dan bawhchhia te chu Section 223 of BNS 2023 hmangin hrem an ni ang.

District Magistrate Seal-a nemnghetin vawiin 12.12.2025 hian he thupek hi liming ka ziah hnan e.