609/2025-2026

AIZAWL; the 15^th May, 2025: Vawiin chawhma dar 10:30 khan Aizawl DC Pisa Pui Hall-ah Aizawl Municipal Corporartion (AMC) huam chhunga Local Council (LC) 87-a Chairman leh Secretary te tan Aizawl DC office chuan Training a buatsaih a. Training hawnna inkhawm tawi hi Pi PC Zonuntluangi, Addl. DC  in a kaihruai a ni.

Training hawnna thuchah sawiin, Aizawl Bawrhsap Er.Lalhriatpuia chuan DC office-in mipui rawng a bawlna kawngah Local Council te hi kan kut-ke ber in nih avangin, thawhhona tha kan neih bakah kan intuaithar ve reng a tul a. Nangmahni lam atang pawhin rawtna tha leh in mi finchhuahna hi mamawh ve reng kan nih avangin, chutiang atan chuan he training hi buatsaih kan ni. Furpui thleng tur kan ni a, chhiatrupna laka kan Local Council Area theuh a him zawk theih nan Local Council te in ralring (alert) renga in awm a tul a ni. Aizawl District huamchhunga chhiatna thleng thei tih nep nan leh pumpelh nan, Aizawl District Disaster Management Authority-a Chairman ka nihna angin DM Act 2005 Section 30 (xxix) leh Section 34(m) in thuneihna min pek hmangin “Hriattirna” pawimawh tak tahrik ni 13, May khan ka lo chhuah tawh a. Kha kha uluk taka lo chhiarin, mipui ten an zawm ngei theih nan Local Council ten kan Area theuh hneh taka kan vil a ngai dawn a ni tiin, Local Council puipa kalkhawm te chu training uluk tura chahin, an hlawkpui ngei theih nan duhsakna a hlan bawk a ni.

Vawiin Training-ah hian Power point presentation hmangin Pi F. Lalnisai, Asst.Commissioner chuan Income, Residential, ST Certificate, adt. chungchang te, Pi Lalngaihawmi, SDC in “Inner Line Permit chungchang, Consultant PMU: PM Vishwakarma, Commerce & Industries Dept. in PM Vishwakarma chungchang leh  Er. Zothansanga, SE, P&E Dept. in PM Surya Ghar (Solar Rooftop) chungchang te zirtirna an pe a ni.

Pu Zoramsiama Hmar, Addl. DC in ‘Vote of thanks’ sawiin vawiin Training hi a khar ta a ni.