610/2025-2026

Khawzawl, dated 15th May 2025: Vawiin chawhma dar 11 khan DC Conference Hall-ah Khawzawl District Disaster Management Authority (DDMA) chu Chairman leh Khawzawl Bawrhsap ni bawk Pu K. Vanlalthiana hovin an thukhawm.

He hunah hian DDMA chuan thutkhawm hmasa zawka an rel tawh hrang hranga hmalakna leh hmasawnna awm tawh te an sawi ho a, DEOC/Control Room nileng kartluanin (24x7) a nung tawh tih te, Khawzawl hmun hrang hranga chhiatna thlen thinna hmun te, mipuiin chhiatna laka an invenhim nana tih tur leh tih loh tur semdarh chungchang te, District Disaster Management Plan (DDMP) siamthat chungchang te leh thil tul dang tam tak an sawi ho a ni. Heng bakah hian tunlai boruak avangin Civil Defence Plan siam tawh anga Mock Drill neih an rawt bawk a, hei hi 2nd IR hmuna neih tura rel a ni. Chairman Pu K. Vanlalthiana chuan member te kim taka an thutkhawm theih avangin lawmthu a sawi a, mipui leh khua himna ngaihtuah a tul thu sawiin theihtawp chhuah tang tlang zel turin a sawm bawk a ni.

He hunah hian DDMA member kim takin an tel thei a ni.