No.6600/2020-2021
Tun lai hian State Investment Programme Management 85 Implementation Unit (SIPMIU) in Tanhril Mualkhang rama, NERCCDIP hnuaia Aizawl khawpui tana Water Treatment Plant a din mek na huam chhungah hian a hnathawktute ni lo veivak an awm fo tih hriat a ni a, chu chuan Project hna thawh a ti khaihlak chauh ni lovin, khawl hmanga hnathawhna hmun a nih avangin accident pawh a thlen phah theih a; Tin, Project area chhungah hian a thawktute puala Quarantine Centre hman lai te a awm bawk avangin Covid-19 hri pawh Kai darh phah theih a nih avangin he lai hmun hi zalen taka tlawhpawh theih loh tura khuahkhirh a tul ta a ni.
Chuvangin, kei, R. Lalramnghaka, District Magistrate, Aizawl District, Aizawl hian CrPC 1973 Section 144 in thuneihna min pek hmangin a hnuaia khapna thupek ka siam e:
1) Tanhril Mualkhang rama SIPMIU-in Water Treatment Plant siam hna hi tluang taka thawh a nih theihna’n te, accident thlen palh theih laka himna’n leh Covid-19 hri inkaidarh palh theih venna atan, SIPMIU Water Treatment Plant huam chhung hi thu leh awm hma chuan Restricted Area ah he thupek chhuah atang hian puan nghal a ni a.
2) Water Treatment Plant Restricted Area huam chhungah Sawrkar thil tula duty emaw, SIPMIU-in phalna a pekte emaw ni lo, midang tan luh khap tlat a ni.
3) He thupek bawkchhia chu IPC Section 188 hnuaiah hrem theih a ni ang.
4) SIPMIU hian Water Treatment Plant Fencing leh Gate-ahte langsar takin Restricted Area tih hriattirna Signboard an tar ang.
5) He thupek hian chhuah a nih atanga thla hnih chhung a huam ang.
He thupek hi vawiin November ni 18, 2020 hian Court Seal chhuin hming ka ziah hnan e.
