3996/2024-2025
Dated the 28th January, 2025 : Mizoram lui lian sawmparuk (16) te hi Riverine Reserved Forests chhunga awm an nih avangin phalna nei lova he lui kama balu leh lung läk te hi Environment (Protection) Act, 1986 bäkah Forest (Conservation) Act, 1980 bawhchhiatna an ni a. Aizawl District huamchhungah dan phal lohva lui kam balu leh lung la thin kan awm avängin khapna thupek chhuah tula hriat a ni a.
Chuvangin Er. Lalhriatpuia, District Magistrate, Aizawl District chuan Section 163 BNSS 2023 in thuneihna a pèk angin Aizawl District mipuite zawm turin heti hian thupek a chhuah :-
"Aizawl District huamchhung lui kama balu leh lung te, khawi hmun ami pawh mi tumahin phalna nei lovin an la tur a ni lo"
Thupek zawm lova la lui an awm a nih chuan Section 223 BNS 2023 emaw, a kaihhnawih dan dinglaiin an chungah hremna lek a ni ang. Tih danglam a nih loh chuan he thupek hian thla hnih (2 months) chhung a huam ang.
