471/2026-2027
Aizawl the 11th May, 2026: African Swine Fever (ASF) darh zel tur dan nan leh mipuite kan lo him a, kan lo fimkhur zel nan Aizawl DC chuan Section 163 of BNSS, 2023 in thuneihna a pek angin, Aizawl District huam chhunga mipuite bakah vawk vulhtute leh vawk hmanga eizawngte zawm turin a hnuaia thupek hi a tichhuak.
- Aizawl District chhungah ram dang (foreign) leh State dang atangin vawk, vawksa leh vawksa atanga siam eitur chi reng reng lak luh khap tlat a ni.
- District dang, ASF hri lenna Infected Area atangin vawk, vawksa leh vawksa atanga siam eitur reng reng lak luh khap tlat a ni.
- Vawk damlo reng reng talh leh hralh khap tlat a ni. Vawk damlo chu dah hran vat tur a ni a. Vawk thi reng reng, bawlhhlawh paihna hmunah leh lui kawr temchangah paih mai mai loh tur a id. Vawk thi reng reng thuk takah disinfectant nena phum bo tur a ni. Vawk in leh a vel pawh disinfect vek tur a nl.
- Vawk damlo leh thi an awmin AH & Vety Department Official-te hnenah hriattir vat tur a rd a. Department in a tul angin hma a la ang.
- Aizawl District chhung, khua leh khua emaw, veng leh veng emaw-a vawk inlakpawh tawn tur reng reng in vawk hrisel tha chauh lak tur a ni. Vawk damlo (ASF hri kai) ni-a rinhlelh awmna khua/veng atangin vawk lakluh leh lakchhuah khap tlat a ni.
He thupek hi tih danglam a nih loh chuan chhuah a nih atangin thia hnih (2 months) chhung a huam anga. Dan bawhchhia te chu Section 223 of BNS 2023 hmangin hrem an ni ang.
