No.270/2021-2022
Aizawl, the 26th April, 2021: Aizawl DC chuan Paid Covid Care Centre inkaihhruaina hetiang hian a siam:-
1) Paid Covid Care Centre-a awm turte chuan mahni bialtu Chief Medical Officer (CMO) emaw Entry Point-a duty, Medical Officer-te hnen atangin symptoms nei lo (Asymptomatic) an ni tih hriatpuina an nei tur a ni.
2) CMO/ Entry Point-a Medical Officer Duty-te hriatpuina thil telin Deputy Commissioner, Aizawl District hnenah Paid Covid Care Centre-a awm dilna an siam ang.
3) Deputy Commissioner, Aizawl District-in phalna a pekte chauh Paid Covid Care Centre-ah awm remtih an ni ang.
4) Paid Covid Care Centre-a awm te chuan an awm chhunga ei in man, thlen man leh inenkawlna Medical Fees (heihi CMO lamin an ruahhman ang) te anmahni sum sengin an tum tur a ni.
5) Paid Covid Care Centre-a awm man hi Guest House/ Lodge-ten a thlen man an bituk ang an chawi tur a ni ang. Ei in man erawh chu mahni ei dan mila pek tur a ni ang.
6) Naupang ni lo, Covid-19 positive, symptom nei lo, amaherawhchu natna dang enkawl ngai neite chu Paid Covid Care Centre-ah hian dahluh (admit) theih an ni lo ang.
7) Paid Covid Care Centre-a awm tur ten mahni mimal mamawh bakah hengte hi an in tum tur a ni - BP apparatus, Thermometer leh Pulse Oximeter.
8) Paid Covid Care Centre-a thlen man, ei in man leh medical fee-hi online payment hmanga pek tur a ni. Amaherawhchu, pawn lam atanga peksak thei an awm chuan, a sum faia pek theih a ni bawk ang.
