No.269/2021-2022
26.4.2021: Mizoram hmun tam taka kangmei nasa taka chhuak chungchangah Prime Minister Pu Narendra Modi chuan vawiin khan Chief Minister Pu Zoramthanga chu telephone-a rawn bia in thil awm dan a rawn ngaihven.
Pu Modi-a chuan engvanga heti taka nasaa Mizorama kangmei chhuak nge a ni tih rawn zawtin, Chief Minister chuan a chhan lian ber pakhata lang chu khaw khen vang a nih thu a hrilh a. Kum danga ruahtui kan dawn thin ang kan dawn tak loh chuan thal khawro a siam a, kangmei a chhuah awlsam phah niin a lang, a ti.
Chief Minister chuan Indian Air Force-in min puihna avangin Prime Minister chu lawmthu a hrilh a. Mizoram kangmei chuan ziaawm lam a pan thu leh, Mizo mipui leh sawrkarin theihtawp kan chhuah tlan avanga kan dinhmun a ziaawm hret thu a hrilh a ni.
Prime Minister hian Central Sawrkarin Mizoram mipuite a tawrhpui thu leh Central lam atanga tanpui theihna tur awm kawng hrang hrangah inthlahrung loa hrilh hre thuai turin Chief Minister hi a hrilh a ni.
