No.3952/2021-2022

Dated Aizawl, the 9th February, 2022: Aizawl DC Dr Lalhriatzuali Ralte chuan thuchhuah siamin Deputy Commissioner Office, Aizawl-in Abu Mazumdar Sailo s/o Zoram Chhetri Sailo, Zuangtui, Aizawl-a cheng hnena CSC (Common Service Centre) kaltlanga Scheduled Tribe Certificate a pek (issue) anga lang Social media-a  9.2.2022 (Nilaini)-a darh chu Deputy Commissioner Office, Aizawl atanga pek a ni lova, a issue tu hming inziak Lalzorama Chhakchhuak, Sub-Deputy Commissioner hi DC Office, Aizawl-ah a awm lo a, he certificate (Dt.8.1.2022, Regn No. CCC15030076666) hi a lem a ni tih mipui a hriattir.

Hetiang thil lo thleng hi Deputy Commissioner, Aizawl chuan pawi a tiin a ngai thutak hle a. Hemi chungchanga mawhphurtu leh dan bawhchhiatna awmte zawng chhuak tur hian Cyber Crime Police Station, Aizawl-ah FIR thehluh nghal a ni.

Hetianga document dik lo leh lem hmanga mipui tihbuaina leh thil diklo hmanga office pawi khawihna hi thleng tawh lo se. Heng danin a phal loh thil dik lo vengtu ni turin mitin te a beisei thu leh hetiang thil hmu leh hria  chuan DC, Aizawl hnena hriattir zel turin mipuite a ngen a ni.