No.3953/2021-2022
Aizawl 10.2.2022: Chief Minister Pu Zoramthanga chuan vawiin khan a pisa ah Pu Yair Eshel, Attache Agriculture MASHAV Embassy of Israel kawmin, Mizorama horticulture tihhmasawnna atana an lo thawhho tawhna leh hmalak zel dan tur an sawi dun a ni.

Pu Yair Eshel hi Lunglei a Horticulture Centre of Excellence enfiah a a thawhpuite nena lo kal an ni a. Field visit te neiin, Chief Minister hnenah hian Mizoram chu thei leh thlai chi hrang hrang hlawk taka tharchhuah theihna hmun nia an hriat avangin pawn lam atangin thei species tha mi lakluh belh an duh thu te leh, centre of excellence dang din belh te a remchan chuan an duh thu a thlen a ni.

Chief Minister chuan Horticulture tihhmasawn nan thawhhona tha tak Israel nen neihho zel a duh thu a sawi a. Heng Centre of Excellence hian uluk taka enkawl dan dika enkawl chuan hmun zim te ah thlai leh theirah thahnem tak a thar theih zia entirna tha tak, kuthnathawktute tan inzirna hmun tha tak a nih avangin a remchan dan ang zela tihhmasawn tha a tih thu a sawi a ni.

Horticulture Department Director Dr. Elizabeth Saipari leh department official dangte'n vawiin hian Pu Yair Eshel hi an tawiawm a ni.

Attachment

  • Loading attachment...