51/2024-2025
Vawiin Dt. 4.3.2024 (Thursday) @ 10:00 AM. khan SP Aizawl Conference Hall ah SP Aizawl buatsaih in Beat System, Mizoram Police Manual a History sheet vawn dan leh Google sheets leh Google Docs hman dan chungchang in zirtirna hun neih a ni a. He training ah hian Aizawl District Executive Force hnuaia Police Station Officers-in-charge leh Beat Officers mi 45 an tel a ni.
Beat System hi Mizoram Police Manual Rule 622-625 hnuaiah ziah lan a ni a. Police Station area hi Beat hrang hrangah then niin Beat tin enkawltu Beat Officer mat zel an ni. Beat System hi Police leh khawtlang inlaichinna tha zawk neih theih nana ruahman a ni a, Beat Officer te hian an bial chhunga sualna ven leh thil sual titu chhuichhuahna kawngah te. dan leh thupek kenkawhna chungchangah te mawh an phur a ni. Beat Officer hi Police leh khawtlang mipuite thawhhona tha neih na tura thawktu pawimawh tak a ni.
History Sheet hi convict tawh leh thil sual ti thang (Habitual Offender) te tan hawn thin a ni, thil tisualtu chanchin kimchang leh a thil sual till thin dan te uluk taka vawn thin a ni. History sheet fel tak a vawn hi thil tihsualna ven leh misual chhuichhuahna atan pawimawh tak a ni a. thil sual ti thinte nihna kimchang fel taka vawn anih bakah ngun taka enthlak zui an nib. avangin a tangkai em em a ni.
Digital hmanrua thenkhat Google Sheets, Google Docs leh Excel te hi record mumal taka vawn nan te, data pawimawh in share nan leh a hun taka thil tih zung zung theihna atana hman thiam hi police te hnathawh tichaktu atan a tangkai hle a ni.
He training hi Aizawl District Police te dan leh thupek kenkawh kawngah te, mipuite dikna chanvo venhimna kawngah te leh Aizawl District mipuite him tlan nana tha zawka an thawh theih nan a buatsaih a ni a. Hetiang training Police te hmasawnna kawnghawi ang chi hi la neih chhunzawm zel turn a ni.
