115/2024-2025 

Aizawl, 9.4.2024: Lok Sabha MP inthlanpui 2024 atan Aizawl District chhunga Home Voting kalpui mekah vawiin khan District Election Officer, Aizawl Bawrhsap Pi Nazuk Kumar chuan a enpui.

Pi Nazuk Kumar chuan vote nei tawh phawt in vote an thlak theih a, taksa lama harsatna nei, a bik takin kum upa lam leh vohbik te tan pawh in atanga vote an thlak theihna tura ruahmanna siam a nih thu a sawi a. Voter te pawhin he ruahmanna hi an hmang tangkai a beisei thu sawiin, home voting avail lo zawng chuan April ni 19 ah mahni polling station pan a vote thlak theuh turin mipui a sawm bawk.

Vawiin hian Pi Nazuk Kumar hian Aizawl North-I a tlawh a ni. Voter te nen inkawm in, polling station pan tura an taksa chawk tawk loh avanga harsatna an tawh thu leh hetiang an tan ruahmanna siam a ni ta chu lawmawm an tih thu an sawi a ni.

Aizawl district ah hian Assembly Segment sawm leh pahnih (12) tan nimin April ni 8 atang khan Home Voting kalpui tan niin, April ni 10 thleng a awh tura ruahman a ni.

Attachment

  • Loading attachment...