Ni 8.10.2018 khan Aizawl DEO, Dr. A.Muthamma kaihhruaiin, MLA Election atan Aizawl District Poll Station inbuatsaihna leh Expenditure Monitoring chungchang sawihona Political Party aiawh te nen DC Conference Hall ah neih a ni.

Aizawl DEO chuan Representation of People's Act, 1951; Conduct of Election Rules, 1961; Indian Penal Code, 1860 leh Election Expenditure Monitoring pawimawina leh danin a phal leh phalloh chinte  sawifiahin, Rate Chart for General Election to MLA, 2018 te pawh political party aiawhte nen sawiho a, rate thlak ngaite thlak a ni bawk a ni. DEO chuan Candidates leh Political Party ten account an hawng ngei tur a ni a, Candidate pakhat in Vehicle 3, Election Officer phalna in a hmang thei ang, tiin a sawi a. Public place ah te banner leh poster pawh danin phal chin bak lo chu lakthlak zel a ni ang, a ti bawk a ni. Political Party te chuan mimal ramchhungah poster leh banner an tar duh a nih chuan, a neitu phalna la hmasa zel turin a ngen bawk a ni.