2417/2023-2024

Aizawl, 20.10.2023: Vawiin tlai khan DC Conference Hall-ah Aizawl Bawrhsap Pi Nazuk Kumar, District Election Officer ni bawk chuan Mizoram Legislative Assembly, 2023 inthlanpui lo awm tur chungchangah thuthar lakhawmtute a kawm a. A hnuai ami ang hian inpuahchahna leh cadididate nomination file tawh ho hming te leh mipui hriattur pawimawh dangte a tarlang:

1) Aizawl District a constituency 12 atangin nomination file mi hriat theih chin chu enclosure Annex-I ah thil tel a ni.

2) Inthlanna felfai leh muanawm kan neih theih nan leh Model Code of Conduct bawhchhia te vil turin Expenditure Monitoring team hrang hrang Flying Squad (28 teams), Static Surveillance (28 teams), Video Surveillance (18 teams), Video Viewing (12 teams), Accounting Team (12 teams) te din an ni.

 3) Aizawl District ah Observer hrang hrang rawn dah a ni a, General Observers paruk (6), Police Observer pakhat (1), Expenditure Observer pathumn (3) dah an ni a, an Assembly Constituency chan kimchang enclosure Annex II ah thil tel a ni.

4) Polling Station awm zawng zawng atanga 60% hi webcasting neih tur a tih a ni a, webcasting neihna tur hmun hi RO te nen inrawn tlangin thlan fel thuai a ni ang. Webcasting nei tur hian Multi Computer Service, Mahishadal Haldia, West Bengal thlan ni a, anni hian a tul ang ang an buaipui ang.

5) Polling Officials Training: Ni 24-25.10.2023 ah first training hmasa ber neih a ni dawn a, training thawhhnihna hi ni 1.11.2023 ah neih a ni ang a, ni 04.11.2023 ah training hnuhnung ber neih a ni ang. Training hi Govt. Mizo H/S leh HSS school ah te, I&PR Auditorium, SCERT Hall, Golden Hall, Govt. Hrangbana College leh classroom, PUC Academic Block leh ATI ah te neih a ni ang.

6) Polling party te hi November ni 6 ah polling station pan turin an chhuak dawn a, Dispatch Centre hi pathum neih a ni dawn a, chungte chu Chaltlang field, Tlangnuam field leh College/ Venghlui field te an ni. An chhuah dan tur leh an chhuahna tur hmun chu Annex-III ah thil tel a ni.

7) EVM 1st Randomization hi ni 18 October 2023 ah neih zawh tawh a ni a, 2nd randomization hi ni 23 October 2023 ah neih a ni ang a, Ni 27 October atanga ni 31 November ah EVM Commissioning neih a ni ang.