2418/2023-2024
Dated Serchhip, the 21st October, 2023: Serchhip DC Pu David Lalthantluanga chuan Postal Ballot chungchanga hriattirna pawimawh a hnuaia mi ang hian a tichhuak.
General Election to the Mizoram Legislative Assembly, 2023 chu ni.07.11.2023 (Thawhlehni) ah neih tur a ni a. He inthlanah hian election duty neite chu Election Commission of India (ECI) in postal ballot hmanga vote an thlak a phalsak a. ECI Notification No.52/2023/SDR/Vol.I dt. 18.10.2023 chuan a hnuaia tarlan hnathawktute, inthlan ni-a anmahni hna ah duty a ngaih avanga mahni polling station-a vote thlak theilo te tan postal ballot hmanga vote thlak a phalsak leh bawk a.
1. Airport Authority of India
2. Food Corporation of India
3. Press Information Bureau
4. Doordarshan
5. All India radio
6. Power & Electricity Department
7. Health & Family Welfare Department
8. State Transport Department
9. Food, Civil Supplies &Consumer Affairs Department
10.BSNL
11. Media persons authorized by ECI for poll day coverage
12. Fire &Emergency Services
13. Security duty at Lengpui Airport
Heng department staff, postal ballot hmanga vote thlak ngai tur te chuan postal ballot dilna "Form 12D: Letter of Intimation to Assistant Returning Officer ( For absentee voters)" hi General Branch DC Office, Serchhip-ah ngaihven tur a ni a, form hi dt.24.10.2023 ral hma ngeiin thehluh leh tur a ni. Form 12D ah hian mahni Voter ID (EPIC) No., hming leh phone number chiang taka tarlan tur a ni a, duty detailment order thil tel bawk tur a ni.
