Aizawl District election Officer Dr.A.Muthamma, IAS chuan thuchhuah siamin November ni 28, 2018 a Mizoram Inthlanpui neih turah Aizawl District a vote nei zawng zawngte chu duhthlanna fim tak hmang chunga vote thlak theuh turin a ngen a, kum 2013 Assembly Election ah Aizawl District a vote tla zat 81.03% khum ngei tura tan la turin mipuite a ngen a, rualbanlo leh vohbikte tan polling station zawng zawngah anmahni buaipui tur volunteers an awm thu leh an tan bik vote thlak tura ruahmamma siam an nih thu sawiin rualbanlo leh vohbik te zingah vote thlak tura harsatna tawk emaw thil hriatchian duh nei an awm anih chuan election control room ah Accessibility helpline number 2313833/1800 3453690 (Toll Free) engtiklai pawhin biakpawh theih a ni.

District Election Officer chuan inthlan vuakvetah Mizo zemawi lantir theuh a inthlan boruak muanawm leh ralmuang a awm theihnan tan lakpuiah mipuite a sawm a, kan hmingthatna leh zahawmna inthan ralmuang leh muanawm kan neih thin kha I chhawm nung zel ang u tiin mipuite a ngen a ni.