Vawiin khan Mamit District chhung Constituency Pathum 1-Hachhek, 2-Dampa leh 3-Mamit-a duty tur Polling Officials te tan, Polling station an pan hma-a ahnuhnung ber atan traning neih leh a ni.

Vawiin training hi an duty-na hmun tur Constituency hrang hrang te tan a hrang theuhva inzirtirna hi neih a ni a. EVM/VVPAT chungchang leh tul dangte Master trainer te'n zirtirna an nei a ni. Mamit District chhungah hian polling station duan sa 116 awmin heibakah hian Tripura Transit Camp te tan Kanhmunah Temporary Polling Station 15 hawn belh niin, Station pakhat-ah hian Presiding Officer 1, Asst Presiding Officer 1 leh Polling Officials-2 an vaiin mi 4 an duty dawn a ni. 

Polling Officials-a ruat  mi 631 te hian naktuk ni 27, Nov, 2018 zing dar 6:00 atangin  an duty-na hmun tur Polling Station panin an chhuak ang. 

Kumin inthlanpui atan hian Postal Bollot cell atanga thudawn  danin Mamit District bik tan Postal Ballot hmanga vote tla tawh zat hi tun dinhmunah vote 747 a ni.