No.452/2021-2022
Aizawl the 8th May, 2021: Vawiin khan Aizawl district chhungah COVID-19 hri danna atana sawrkar dan siam "Mizoram (Containment and Prevention of COVID-19) Act, 2020" bawhchhia mi 97 man niin, an pawisa chawi tlingkhawm chu Rs. 20,000/- a ni a. Pawisa chawi tir tawh zawng zawng zat hi Rs. 2,80,310/- a ni. Vawiina dan bawhchhia man te hi hmai tuamna (mask) vuah lo, phalna nei lova chhuak, vantlang hmuna chilchhak, Sawrkarin inkaihhruaina dan a siam zawm lo leh social distancing zawm lo an ni.
