DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/aizawl-district-a-covid-19-executive-duty-daily-report-26052021-vengkhua-13-ah-dan-bawhchhia-man-an-ni-a-containment-zone-hmun-4-ah-pawh-man-an-nip

Aizawl District-a COVID-19 Executive duty daily report (26.05.2021) - Veng/Khua 13 ah dan bawhchhia man an ni a, Containment Zone hmun 4 ah pawh man an ni

No.687/2021-2022

Aizawl the 26th May, 2021 : Vawiin khan Aizawl district chhungah COVID-19 hri danna atana sawrkar dan siam "Mizoram (Containment and Prevention of COVID-19) Act, 2020" bawhchhia mi 38 man niin, an pawisa chawi tlingkhawm chu Rs. 10,100/- a ni a. Pawisa chawi tir tawh zawng zawng zat hi Rs. 4,84,790/- a ni. Vawiina dan bawhchhia man te hi hmai tuamna (mask) vuah lo, SOP zawm lo leh Containment chungchanga dan siam zawm lo an ni. Dan bawhchhiate hi AMC area veng 13 - Selesih, Ramhlun Vengthar, Ramhlun Sports Complex, Ramthar, Edenthar, Zarkawt, Dawrpui, Luangmual, Dinthar, Tuikual South, Mission Vengthlang, Bethlehem Vengthlang leh Venghlui ah man an ni.

Vawiin vek hian Bethlehem, Bethlehem Vengthlang, Tanhril Vengthar leh Bungkawn Containment Zone a awm dan bawhchhia mi 6 man niin, dan hnuaia an pawisa chawi zat hi Rs. 1600 a ni a. Containment Zone atanga chhuak ru, social distancing zawm lo leh mask vuah lo an ni.