No.686/2021-2022

 

Aizawl, the 26th May 2021 : Aizawl East-II Bialtu MLA leh Minister ni bawk Pu Robert Romawia Royte chuan tun thla May 2021 atang hian a bial Aizawl East-II chhunga veng 7 - Chite Veng, Armed Veng South, Armed Veng, Chhinga Veng, Tuithiang Veng, Saron Veng leh Dawrpui Venga Ration Card Eng(AAY) leh Ration Card Hring(PHH) hmangtu mi 11087 tan Buhfai thlatin kg  61,140 chu thla 8 chhung a khulh sak dawn a. Vawiin khan heng veng 7 te May thla qouta a khulhsak a ni.

 

Pu Robert Romawia hian Minister anih tirh atangin mi harsate pualin a hlawh zawng zawng a dah hrang zel a, tuna Covid hripuiin a bial Aizawl East-II nasa taka a luhchilh avanga mi harsate chhawk zangkhai nan a hlawh hi a hmang dawn tih a sawi a. Aizawl East-II mipuite aiawh tura thlantlin anih angin hleih nei lova mitin huapzova hmalakna neih chu  a tihdan leh a tum dan anih thu sawiin Pu Robert Royte chuan Political party hrang hranga awmten inang tlanga malsawmna an dawn chu an chhungkua duhdan pawh anih thu a sawilang bawk.

 

DCSO(East) record atanga chhutin Aizawl E-II MLA biala AAY Ration Cards leh PHH Ration Cards neitute May 2021 atanga December 2021 thlenga buhfai Bialtu MLA in a khulhsak tur chu Kg 4,89,120 a ni dawn a ni.

       

Tunah hian Aizawl East-II bialah hian Covid hrikai an tam em em a,covid vei enkawlna CCCC pawh 5 lai din a ni tawh a ni.

 

Attachment

  • Loading attachment...