Aizawl district chhunga Electoral Roll Revision neih mek chungchangah vawiin chawhma dar 11.00 khan Aizawl DC pisaah Election Commission of India (ECI) atanga Electoral Roll Observer atana ruat Pu Ranbir Singh IAS hovin meeting neih a ni a. He meeting-ah hian ERO te, AERO te bakah Mizoram Journalists’ Association (MJA) hruaitute an tel a ni.

He meeting-ah hian Aizawl District chhunga electoral roll ennawn mek kalpui dante chipchiar taka sawiho a ni a; Observer chuan Aizawl district thuneitute hnathawh dan chuan mit a tlung tawk tih a sawi rualin, “Khawvela democracy ram lian ber kan ni a, chuvangin, kan electoral roll pawh hi buaipui tham a ni a. Hemi chungchangah hian kei chu Aizawl leh Champhai district-a Observer turin ECI-in min ruat a; a buaipuitute harsatna chinfelpuitu tur mai ka nih avangin a taka thawktuten fimkhur leh uluk taka in thawh a ngai a ni” a ti.