Vawiin chawhma dar 11 : 00 khan Saiha leh Lawngtlai District a Electoral Roll Observer Pu K.Lalnghinglova IAS Commissioner & Secretary, Higher & Technical Education, School Education nibawk chuan Circuit House Saiha-ah Saiha-a Political party hrang hrang hruaitute meeting a neih pui.

He meeting ah hian thu sawiin Pu K. Lalnghinglova IAS chuan Electoral Roll a mi thar thun chungchang ah fimkhur a ngaih thu sawiin Political Party tin te tanho a pawimawh thu a sawi a, Voter ID Card pawimawh thu sawiin a pek chhuah ah pawh kan fimkhur a ngai a ni, tiin Hearing neih hunah pawh taima taka tel turin party tin hruaitu te chu a chah a, mahni party chauh ngaihtuah lova mi dik takte chauh Electoral Roll a thun tum turin a chah bawk a ni. Foreigner Issue chungchang ah pawh party tin te tanrual a pawimawh zia sawiin pian kum ziak dan chungchang ah pawh fimkhur a ngaih thu a sawi bawk. Education Certificate milin pian kum ziak a ngai a ni tiin hemi kawngah hian fimkhur lehzuala tan kan lak a pawimawh tak zet ani a ti bawk. Saiha District chhung thingtlang khaw thenkhat Polling Station buaina chungchang te pawh huamzau taka sawiho niin an harsatna hrang hrang chinfel dan kawngte pawh sawi lan a ni. He meeting ah hian Saiha-a Political Party hrang hrang hruaitute an tel kim hle a ni.

Hemi hnu hian Pu K.Lalnghinglova IAS chuan Deputy Commissioner Office Chamber-ah Saiha District-a E.R.O leh A.E.R.O. te kawmna hun hmang leh in an mawhphurhna theuh te hria a theih tawp chhuah a hlen chhuak ngei turin a chah a, Electoral Roll a mi thar thunluh chungchang ah fimkhur taka hna thawk turin a chah bawk a ni.