Vawiin khan Aizawl District Bawrhsap Pu Kannan Gopinathan hovin DC Conference Hall-ah Aizawl District huamchhunga Executive Magistrate te pualin dan leh hrai chungchang zirna leh sawihona neih a ni.
He Training-cum-Seminar, nikhat awhah hian Executive Magistrate te an tel tha hle a. Vantlang nunphung tih bahlahna awm thei hrang hranga hmalak dan leh a hun leh a hmun a zira Dan lek kawh dan tur chi hrang hrangte sawi ho a. Criminal Procedure Code leh Dan chi hrang hrang te chipchiar takin an zirho a ni.
He Training-cum-Workshop ah hian Pu Zahmingthanga Ralte, Jt. Secretary, Law & Judicial Department; Pu Lalhmunsanga Hnamte, Addl. Deputy Commissioner leh Pu H. Lalramliana, SDC ten paper an present a. District Bawrhsap Pu Kannan Gopinathan chuan Dan hrang hrangte chu mipuite himna tura thiam taka kenkawh a tul thu a sawi a. Executive Magistrate te chu mipui tana thawk an ni tih in hre reng tur leh inpekna tak tak nena thawk turin a chah bawk a ni.
