Aizawl District chhunga Polling Station siam belh ngai leh thlak ngai (Rationalisation) chungchang ngaihtuah in vawiin khan District Level Standing Committee DC Office, Aizawl-ah DC Pi A.Mathumma, IAS kaihhruaina hnuaiah neih a ni. 

DC Aizawl in Polling Station Rationalisation hi Roll Summary Revision neih hma a peihfel vek a ngaih thu a sawi a. Election Official te leh Political Party aiawh a lo kalte hun tiam chhungin Polling Station chungchanga tihfel tur tul awmte tifel vek turin a hriattir a. Aizawl District-ah Polling Station thar siam belh ngai pahnih leh thlak ngai sawm pahnih a awm thu report dawn a ni. Aizawl District ah hian Polling Station 326 a  awm mek a ni.