2867/2023-2024

November ni 28, 2023: General Elections to Mizoram Legislative Assembly 2023 a Aizawl District chhung constituency 12 a vote tla zat chhiar tura inpuahchahna chu vawiin khan Aizawl District Election Officer Pi Nazuk Kumar, DC Aizawl ho in DC Confernece Hall ah sawiho a ni a. Counting centre te a hmunah enfiah a ni bawk.

DC Pi Nazuk Kumar chuan Returning Officer te leh official mawhphurhna changte chu ECI in dan a siam hre bel tura chah in, mahni mawhphurhna theuh tha taka hlen turin a hriattir a. Aizawl SP hnen atangin security chungchanga ruahmanna siam dan report ngaihthlak niin, Sr. SP Traffic chuan hemi ni atana counting centre tina lirthei dahna tur leh lirthei tlan dan siam rem dan ruahmanna te a awi bawk a. I&PR Joint Director chuan media kaltlanga thupuan chhuah leh media mite tana ruahmanna siam ngai chungchangte a sawi bawk.

Conference Hall a meeting zawh hian counting centre pathum - DC Office, Assembly Annexe leh GAC, Sikulpuikawn te chu a hmunah tlawh niin, ruahmanna siam belh ngai te enfiah a ni bawk. Meeting ah hian Returning Officer theuhte bakah SP AIzawl, I&PR leh DC official dangte an tel bawk.