2868/2023-2024
2023 Sahmulphah thla ni 28: Krismas leh Kumthar vuakvetah halpuah leh halmawi hal avangin boruak ṭha lo tam tak a insiam bakah, ri bengchheng siamin, boruak chhe leng vel hian mipui zingah hri leng ṭha lo tak a thlen theih bakah, mihring hriselna a khawih pawi thei a. Heti a nih avang hian Kolasib District mipuite hriselna venhim a nih theih nan leh Krismas leh Kumthar him leh thlamuang taka mipuite'n an hman theih nan Kolasib District Magistrate Pu John LT Sanga chuan vawiin, November ni 28, 2023 khan Sec. 144 of Cr.PC, 1973 (Act No. 2 of 1974) tlawh chhanin heti ang hian thupek a chhuah.

"1. Kolasib District huam chhungah Krismas 2023, Kumthar 2024 vuakvetah halpuah, halmawi, sky lantern leh puak thei thil dang, boruak ṭha lo leh ri bengchheng siam thei chi reng reng lak luh, zawrh, hralh, hal leh hman khap tlat a ni.

"2. Naupang silai lem a mu kap chhuak thei chi reng reng lak luh, zawrh leh hman khap tlat a ni.

"He thupek zawm lote chu Section 188 of Indian Penal Code hmangin hrem theih an ni ang.

"He thupek hian puan a nih aṭanga thla hnih (2) chhung a huam ang."

Attachment

  • Loading attachment...