560/2025-2026

Aizawl dated 24th May 2025: Nimin khan Aizawl District chhunga Viksit Krishi Sankalp Abhiyan kalpui dan tur chu Pu Zoramsiama Hmar, Additional Deputy Commissioner, Aizawl District kaihhruaina hnuaiah ruahmanna siam a ni a. Kuthnathawktute leh loneitu tam thei ang berin Sawrkar laipui hnuai a hmathatna hrang hrang awmte an hman tangkai theih nan he hun chhung hian Aizawl district chhung hmun hrang hrangah inzirtirna buatsaih a ni ang. Thutkhawm ah hian Principal Scientist & Head, KVK, Agriculture and Farmers Welfare Department, Horticulture, Fisheries Department, AH&Vety leh Soil department-a thawktute hotute an tel a ni.

9th May,2025 atanga 12th June,2025 chhunga kalpui tur, ni 15 awh tur campaign hian loneitu tam thei ang berte tan Scheme hrang hrang inhrilhhriatna leh a dil dan inzirtirna hun neih tur a ni dawn a. Aizawl District chhungah hian Team thum siam niin, khaw hrang hrang an tlawh kual dawn a ni. Heng team thumah te hian KVK, ICAR, Agriculture & Farmers Welfare Department, Horticulture Department, AH&Vety Department, Fisheries Department leh Soil Department bakah FPO/SHG member te an tel dawn a ni.

He campaign hi hlawhtling taka hman a nih theih nan Chairman chuan meeting a kal department zawng zawngte theihtawp chhuah theuh turin a ngen a. Team hrang hrangte’n khua an tlawh turah hian mipui tam thei ang berin hlawkna an chan theuh theih nan, mipui tan a rawngbawltu kan nihna hrereng chunga thahnemngai taka an mawhphurna te an hlenchhuah ngei a beisei thu a sawi.