1043/2026-2027
Dt. 17.07.2026: Urban Development & Poverty Alleviation Department (UD&PA) chuan Aizawl District chhung Tourist Site atan a hnuai ami te hi a thlang a:
1. Lalsavunga Park
2. Falkawn Zokhua
3. Sakawrhmuituai Tlang
4. Hmuifang Tlang
5. Khawhpawp, Lawipu
6. Sairang Railway Station
7. Sialsuk Tlang
Aizawl DC chuan heng Tourist Sites ah hian hman khat daih plastic, Single-Use Plastic (SUP) hman, hralh, sem leh khawl a khap a ni. Solid Waste Management Rules, 2026 hi hlawhtling taka kalpui a nih theih nan, bawlhlawh a paihna tur nilo a paih tih rem nan leh tullo a plastic hmanna tihtlem a nih theih nan te he thupek hi chhuah a ni.
Heng hmun tlawhtute, a huamchhunga vendor-te, dawr neitute leh he thupek in a nghawng tel tur dangte chuan SUP aiah environment tichhe theilo leh hman nawn theih hmang zawk tawh tur an ni a. Nodal Officer leh Sanitation Officer ten SUP Enforcement Team kaltlangin he Order hi zawm a nih ngei theih nan an bawhzui ang.
Heihi Supreme Court of India in dt. 05.05.2026 a Solid Waste Management Rules, 2026 kalpui naah tourist site-te thlang a, bawlhhlawh sawngbawl dante tihhmasawn a nih theih na tura thuchhuah a siam bawhzuina a ni a.
He Order bawhchhiatna a awm chuan Solid Waste Management Rules, 2026; Plastic Waste Management Rules, 2016 leh a kaihhnawih dang Dan hnuaia ngaihtuah theih a ni ang.
