Aizawl District Soil & Water Conservation chuan vawiin khan Aizawl khawpui huam chhunga cheng, Aizawl District pawna ram nei chhungkaw 18 hnenah NLUP 2nd installment a sem a. Rubber chingtu chhungkaw 7 hnenah Rs.10,300/- theuh, coffee chingtu chhungkaw 3 hnenah Rs.24,800/- leh hmunphiah chingtu chhungkaw 8 hnenah Rs.48,220/- theuhva sem a ni a. Heti hian Aizawl district ah Soil & Water Conservation Department hnuaia second installment sem chu zawh a ni ta.

Aizawl District - ah hian NLUP 1st installment ah khan hmunphiah chingtu 1337 hnenah Rs.25,280/- theuhvin Rs.3,37,99,360/- sem a ni a; rubber chingtu chhungkaw 65 hnenah Rs.24,000/- theuhvin Rs.2,16,600/- sem a ni a; coffee chingtu chhungkaw 6 hnenah Rs.36,100/- theuhvin Rs.2,16,600/- sem a ni bawk a. A vaia Ist Installment a sem chu Rs.3,55,75,960/- a ni a.

2nd installment ah hmunphiah chingtu chhungkaw 1320 hnenah Rs.48,220/- theuhvin Rs.6,36,50,400/- sem a ni a; rubber chingtu chhungkaw 65 hnenah Rs.10,300/- theuhvin Rs.6,69,500/- sem a ni a; coffee chingtu chhungkaw 6 hnenah Rs.24,800/- theuhvin Rs.1,48,800/- sem a ni bawk a. 2nd installment a sum sem zawng zawng chu Rs.644,68,700/- a ni.

Heti hian hmunphiah chingtute chuan Rs.73,500/- an dawng tawh a, coffee chingtu ten Rs.60,900/- leh rubber chingtu ten Rs.34,300 an dawng tawh a. Aizawl District Soil & Water Conservation department-in Ist leh 2nd installment a sum a sem zawng zawng chu Rs.10,00,44,660/- a ni.