Vawiin khan Aizawl District Anti Tobacco Squad te chuan phallohna hmun a meizu an awm leh awm loh endikna hun an nei. He hunah hian Chaltlang leh a chhehvel a office hrang hrang an fang kual a, COTPA dan in tar ngei ngei tur a a tih "No smoking" signage leh "Complaint Board" te pawh an tar tha thawkhat hle.

He endikna hunah hian phallohna hmun a meizu mi 2 manin pawisa an chawitir. Endikna a kal thin te chuan helai hmunah hian tum danga an kal aiin hma an lo sawn nasa in meizu man tur an tlem ta viau chu lawmawm an ti hle a, a tul anga endikna neih chhunzawm zel a nih tur thu pawh an sawi.