1197/2023-2024

Aizawl 19th July 2023: Vawiin chawhma khan Aizawl District Bawrhsap Dr Lalhriatzuali Ralte kaihruaina hnuaiah Core Committee: Mission Chhanchhuahna (Phunchawng leh Rangvamual te tana eizawnna tluantling ngaihtuahna Committee) chu Rangvamual local council house ah an thukhawm.

He Mission Chhanchhuahna hi Rangvamual leh Phunchawng veng pahniha eizawnna mumal neilo, zu zuar leh dan in a phalloh hmanga eizawngte chhanchhuahna tur project niin Shri Debashish Mukherjee, Senior Social Scientist  leh a team ten zirchianna pawh lo neih tawh in hemi zirchianna atang hian sorkar department hrang hrang in an scheme, loan leh service dang dang te eizawnna atana an hman theihna tur siam nan tanho a tul tih avangin Core Committee leh Working Committee din a ni.

He Mission hian a tum ber chu zu leh drugs hmanga an eizawnna an bansan a eizawnna ngelnghet zawk leh mi chengte pawh ram tana a mi hmantlak zawk leh khua leh tui tha zawk an an lo nih theih nan a hmalak pui leh dawmkanna tur kawng dappui a ni tih Chairman hian a sawi ani.

Hemi meeting ah hian Core committee- te enpuina hnuaiah Rangvamual leh Phunchawng Local council te remruat angin Gram Sabha buatsaih ninse la,deptt ten remchang ni hmasa berah Help Desk siam a Sorkar scheme hrang hrang leh training, loan eizawnna atana an hman theih hrang hrang mipuite hnena hrilhhriatna hun bakah tanpui theihnana kawng hawn na hun siam ni se tih a rel bawk a ni.

Meeting-ah hian Rangvamual leh Phunchawng Local council, YMA leh Kohhran hruaitu ten an vengchhung harsatna chi hrang hrang hriselna lamah te, zirna lamah an tlakhniam nachhan te, infiamna leh community hall an neih that loh thu te, drainage tha an mamawh thu te leh an harsatna chi hrang hrang te thlen in meeting ah hian engtianga kalpui zel tur nge ngaihtuah ho a ni bawk a. Department officials hrang hrang ten an Department in a an hmalakna, Schemes, loan, training an pek theih te tarlang in ngaihtuah ho a ni. He Mission Chhamchhuahna atan hian Planning&Programme Implementation deptt chuan SEDP hnuaiah sum a tumsak ani.

He meeting-ah hian Co-Chairman Pu Rex Zarzoliana, S.P Aizawl, Pi Lalrochami Ralte,Secretary  District Legal Services Authority /Chief Judicial Magistrate, Pu Lalremruata Kullai, Jt Municipal Commissioner, Pi Lalhlupuii Sailo, Mizoram Social Defence and Rehabilitation Board, Pi Lalremruati, Deputy director UD&PA, Lalchhanhima Sailo, Clinical Psychologist,Mental Health&Family Welfare, Pu Vanlalhruaia Sailo, DLEO, Pi P.C Lalawmkimi Lead Bank Chief Manager, Pu C Ramdinsanga, Chief Manager, Mizoram Rural Bank Manager leh Department officials hrang hrang Core committee awm te pawh an tel a ni.