2688/2024-2025 

AIZAWL; the 25th October, 2024: Vawiin chawhma dar 11:00 khan Aizawl District Disaster Management Authority member te chuan an chairman leh Aizawl District Bawrhsap ni bawk Er. Lalhriatpuia hovin DC conference Hall atangin Video Conference mode in "Orientation & Coordination Conference on State Level Mock Exercise on Flood and Landslide Disaster in Mizoram” programme an chhim. Video Conference programme-ah hian Secretary, DM&R Dept.,GoM Pi K.Lalrinzuali, atanga khuhhawnna thu tawi ngaihthlak a ni hnuah, Brig.Ravinder Gurung (Retd), Sr.Consultant, (ME&IRS), NDMA, GoI hnen atangin tuilian leh leimin khuarel chhiatna a lo thlen thula SDMA leh DDMA te hmalak dan tur sawi fiahna hun a hmang a.

Aizawl bawrhsap  leh  Chairman, Disaster Management Authority, Aizawl District ni bawk Er.Lalhriatpuia chuan State Level Mock Exercise on Flood and Landslide Disaster in Mizoram, Phase 2 (Table Top Exercise)  neih hun tura ruat November  ni  5 chu Sinlung Hills council a inthlan ni tur a nih avang leh Aizawl DEO leh a staff te chu an buai dawn avangin, a ni sawn sak tura a ngenna chu, NDMA lam hotu lam chuan SDMA hotute nena lo sawi ho turin an lo rawn a ni.

Vawiin Video Conference-ah hian Aizawl DDMA Member te, IRS member te, Aapda Mitra Volunteers aiawh te,  Sairang VC aiawh te leh  YMA, Sairang aiawh te an tel. Video Conference zawhah hian meeting tawi neih zui niin, Table Top Exercise atana DDMA, Aizawl district in ruahmanna a lo siam te inhrilhhriat a ni.