No.381/2021-2022

3rd May, 2021 : Mizoram Sawrkar ruahmanna angin Covid-19 Executive Duty chu Aizawl District chhungah April ni 16, 2021 atanga neih tan a ni a. Executive Duty te hi team 90 siam niin, team 84 chu Aizawl khawpui chhung veng tinah an duty a, team 6 hi Block Headquarters leh khaw dangah te nitin an duty bawk a ni. Team tinah hian Sawrkar hnathawk 2, Police 1 leh LLTF member 2 zel an remchan dan anga duty te tawiawm turin ruat an ni.

Executive Duty te hian an duty-na hmunah Covid-19 hri darh zel laka invenna tur Sawrkarin Dan (The Mizoram Containment & Prevention of the spread of Covid-19 Act, 2020) leh inkaihhruaina a siamte kengkawhin, hripui laka mipui kan him tlan zawk nan VLTF/LLTF leh Police-te nen thawkhovin hma an la thin a, dan bawhchhia te pawh dan in a phal ang chinah hremna pe in, pawisa an chawitir bawk thin a ni.

Executive Duty hi batch hniha then niin Batch khat hi karhnih zel duty tura ruahman an ni a, Batch-I te duty hi May ni 1, 2021 (Inrinni) thleng niin Batch-II ten May ni 3, 2021 (Thawhtanni) atangin an duty chhunzawm ve thung a ni. Executive Duty tan ni atanga ni 29.04.2021 (Ningani) thlenga Sawrkar dan leh inkaihhruaina siam bawhchhia an mante atanga fine tlingkawm hi Rs. 1,70,750/- a ni.

Executive Duty tura ruat, sawrkar hnathawkte hi Deputy Commissioner, Aizawl District ruahmanna-in Frontline Workers an nihna ah, COVID-19 vaccine pawh a remchan dan ang zelin pek an ni.

Veng hrang hranga an duty bakah hian, SOP ngaipawimawh lova kalchhuak (walk), lui kal, picnic, ramvah leh intawllenlui te an awm em tih thlithlai turin kawn pawimawhah pawh dah belh an ni bawk a. Lengpui Airport-ah pawh Passenger te felfai zawka dawnsawn an nih theihnan leh Sawrkar SOP siam te bawhchhiat a nih lohnan Deputy Commissioner, Aizawl District chuan Lengpui khua ami Sawrkar hnathawk thenkhatte chu Lengpui Airport Executive Duty atan a ruat belh bawk.

Duty na hmunah LLTF te’n an ei leh in tur te lo buaipui sak a, an lo tawiawm thin naah Executive Duty ten lawmthu an sawi a ni.