No.7330/2020-2021

Aizawl District Bawrhsap chuan Republic Day puala venhimna uluk zawka kalpui a nih theih nan a hnuaia tarlan ang hian a hnuaia hmun pawimawh tarlan chung zawnah te Drone Camera/Aerial Camera thlawhtir khapna thupek a ti chhuak.

India ram Republic Day champha, Mizorama a lawmna pui ber, Lammual, Aizawl a neih tur leh Sawrkar mi pawimawhte kalkhawmna tur Raj Bhavan leh Chief Minister Bungalow te venhimna tha taka kalpui a nih theihna turin a hnuaia thupek hi chhuah a tulin ka hria a.

Chuvangin, kei, R. Lalramnghaka, District Magistrate, Aizawl District, Aizawl hian Section 144, Cr.P.C., 1973 (Act Il of 1974) in thuneihna min pek angin, AR Lammual chungah, Raj Bhavan compound chungah leh Chief Minister Bungalow chungah te Remote Control hmang Drone/ Aerial Camera leh hetiang lam chi reng reng Dt. 25th — 26th January, 2021 chhung hian thlawh tir khapna thupek ka chhuah a. He thupek bawhchhia an awm a nih chuan an Drone/ Aerial

Camera te man/kahthlak sak a ni ang a, an chungah dan angin hremna lek a ni ang.

He thupek hian Sorkar-a Competent Authority in hetiang ti tura phalna bik a pekte a huam lovang.