No.7331/2020-2021
Sawrkar Laipuia Ministry of Tourism chuan kum 2016 atang khan kum tin January 26 - 31 chhung in Red Fort-ah Republic Day denchhen in Bharat Parv hi alo huaihawt thin a. He hunpui hian mipuite thinlung ah ram leh hnam hmangaih na lama phur tharna a thlen mai bakah India rama hnam hrang leh ze hrang danglam leh inang lo tak tak phochhuahna hun atan hman thin a ni. India ram nihna lairil chawimawi nan Bharat Parv hi hman a ni.
Kumin hian Bharat Parv chu a vawikhatna atan virtual a hman tur a ni dawn a. Kum dang ang bawk in ni 26 atanga ni 31 January chhung in www.ibentos.com/bharatparv2021 ah tu tan pawh en theih in chhawp chhuak dawn a. He Virtual Platform ah hian State hrang hrang leh UT ten kualzin hip theihna hmun hma an nei te, an ei leh in te leh an thilsiam a bik takin handllom leh handicraft te an pholang dawn a. He hun hi Lok Sabha Speaker Pu Om Birla leh Union Tourism Minister Pu Prahlad Singh Patel ten ni 26 January, 2021 zan dar 6 ah mi zawng zawng en theih in an hawng dawn a ni.
State-te leh UT-te bakah Ministry of Culture, Ministry of Ayush, Ministry of Consumer Affairs, Ministry of Railways, Ministry of Civil Aviation, Development Commissioner Handlooms, Development Commissioner Handicrafts, Lalit Kala Academy, Archaeological Survey of India, National Museum, National Gallery of Modern Atrs, Khadi & Village Industries Commission (KVIC) leh pawl dang dang ten India ram hmelhmang leh ziarang tilang thei handicrafts te, lam leh rimawi te, lemziak hrang hrang te an pho chhuak ve bawk dawn a ni.
Heng bakah hian Republic Day parade te, a lawmna programme hmuhhmawn tak tak te he virtual platform ah hian en theih turin a awm dawn a. India ram a Hotel management zirna changtlung ber Institute of Hotel Management leh Indian Culinary Institute ten Indian cuisine hrang hrang te siam dan video leh recipe te an dah dawn bawk a ni.
Tun kuma Bharat Parv hman turah hian Mizoram Tourism pawh an tel dawn a. Khualzin hipna hmun hma leh pawimawhte, kan puantah leh thil siam dangte, kan ei leh in te leh thil dang dang te a phochhuak dawn a ni. Heng programme hrang hrang duan te hi www.ibentos.com/bharatparv2021 ah lut in, lo thlir theuh turin mi zawng zawngte Tourism Department in an sawm an ni.
