No.7332/2020-2021 

Vawiin khan National Voters' Day (NVD) vawi 11-na chu Lawngtlai DC Conference Hall-ah District Election Officer, Lawngtlai  Bawrhsap ni bawk Dr Andrew H. Vanlaldika hovin hman a ni.

DEO chuan India ram chu mipui rorelna (democracy) ram niin, vote thlak chu khua leh tui dik takte chanvo leh mawhphurhna a ni, a ti a. LADC Inthlanpui, 2020-ah inthlan buaipuitu leh voter-te tan rualna avangin inthlan felfai leh muanawm tak buatsaih theih a ni tiin, democracy nihphung dik tak tar lan a ni, a ti a. Electoral roll felfai tak a awm theih nan a kaihhnawih zawng zawng inthlahdah lova tan mar reng a tul thu a sawi.

He hun hi Election Officer Pu Lalneihthanga Colney chuan a kaihruai a. Asst Electoral Registration Officer (AERO) Pu Chinlianmanga kaihhruaiin NVD thu tiam sawi rual a ni a. Booth Level Officer (BLO) thawk tha thlan chhuahte hnenah chawimawina thilpek hlan niin, AERO Pu H. Vanlalbiakzauva chuan Chief Electoral Commissioner thuchah a chhiar chhuak bawk.

Best BLO chawimawina hlante chu - 36-Tuichawng bialah Pu David H. Zodintluanga, Damdep-II; 37-Lawngtlai West-ah Pu Khema Chandro, Nghalimlui leh 38-Lawngtlai East-ah Pu Lalsangzuala, Rawlbuk te an ni.

Vawiina Lawngtlaia NVD hmannaah hian official leh District Election staff-te, BLO-te leh political party hrang hrang ai awhte an kal khawm a ni.

Attachment

  • Loading attachment...