2908/2024-2025
Aizawl, the 8th November 2024: Aizawl District Bawrhsap Er Lalhriatpuia chuan 2nd Sinlung Hills Council, 2024 neih tak hnuah New Vervek constituency huamchhungah boruak muanawm a awm theih nan a hnuaia tarlan ang hian puipun khapna thupek a chhuah.
2nd Sinlung Hills Council, 2024 Inthlanpui kal mek ah hmun thenkhat ah harsatna a thleng tih hriat ani a. Buaina lian zawk a thlen loh nan a hnuai ami ang hian khuahkhirhna thupek chhuah a lo ngai ta a.
Chuvangin, BNSS 2023-a Section 163(1) tlawh chhanin a hnuai mi ang hian thupek chhuah a ni.
"New Vervek Constituency huamchhung khawi hmunah pawh mi panga (5) aia tam thuneitute phalna nei lo chu an pungkhawm tur a ni lo".
Amaherawhchu, he khuahkhirhna hian Election Official duty Police, Armed Forces, medical duty, Fire Service, tui sem, chanchinbu sem, bawnghnute sem, candidate leh candidate agent te a huam lo ang.
He thupek hi tihdanglam a nih loh chuan kar hnih (2 weeks) chhung a huam anga. Thupek zawm lo te chu BNS 2023 Section 223 hmangin an chungah na takin hremna lek a ni ang.
