2925/2023-2024

Aizawl, 3.12.2023: General Elections to Mizoram Legislative Assembly 2023 kaihhnawiha Aizawl District a vote chhiartu turte duty na hmun tur khawl hmanga ruatna - 2nd Randomisation chu DC Conference Hall ah Counting Observer te leh RO te an tel a ni.

DEO Pi Nazuk Kumar chuan Counting Observer te hnenah chuan vote chhiar tura inpuahchahna tlangpui report a pe a. General Election hmasa lama lo tih tawh angin district chhung assembly constituency 12 tan counting hall hran theuh ruahman a ni a. Counting centre pathum zingah DC Office ah chuan AC 6, Assembly Annexe building ah AC 4, Govt. Aizawl College, Mualpui ah AC 2 chhiar a ni ang a. RO paruk leh ARO te kaihhruaina hnuaiah chhiar a ni ang. Counting Centre tinah hian Media Centre leh Public Communication Room te ruahman a ni bawk a. Internet connection, medical facility leh tul dang mamawh ruahmanna hrang hrang siam a ni bawk.

Naktuk 4.12.2023 hian zing dar 8 ah vote chhiar tan niin, duty tur te chu an awmna tur hmunah dar 7 a thleng vek tura tih an ni a. Zing dar 5 ah DC Conference Hall ah vek final randomisation neih a ni ang.