2926/2023-2024

3rd December, 2023: December ni 4, 2023 a General Election to the Mizoram Legislative Assembly, 2023 vote chhiar tura inbuatsaihna hrang hrangte tluang taka kalpui niin, vote chhiar turin Mizoram a inpeih tawh a ni. Vote chhiarna hmun tur Counting Hall-te chu Election Commission of India thupek angin vote chhiar hma ni 3 ah buatsaih fel vek tur a ni a, hengte hi District hrang hrangah peihfel vek tawh a ni.

Vote chhiar tura mawhphurhna hrang hrang neite’n training an nei zo fel tawh a. Vote chhiarnaah hian Returning  Officer, Assistant  Returning  Officer,  Counting Supervisor, Counting Assistant, Micro-Observer leh hna pawimawh dang hrang hrang thawktu mi 2780 vel an awm dawn a. Polling Station  tina  Presiding  Officer 1276  te  chu vote chhiar ni hian an awm bawk ang. Security mi leh sa ten Counting Centre tinah thuah thumin venhim hna an thawk dawn a ni.

Mizoram Inthlanpui 2023 ah hian Counting Centre 13 ah Assembly Constituency tin tan Counting Hall pakhat zel awmin a vaiin Counting Hall 40 a awm dawn a. Heng Counting Hall-ah hian Counting Table 396 awmin vote chhiarna dawhkan tinah hian Counting Supervisor pakhat, Counting Assistant pakhat leh Micro-Observer pakhat zel an awm dawn a, vote chhiarna hmun hi ECI ruat Observer 40 ten AC tinah a malin an vil dawn a ni.

Hmunhma awmdan azirin Counting Hall-ah Counting Table te hi dah a ni dawn a. Counting Table awm zat leh vote chhiar tur Polling Station awm zat hian chhiar hun (round) pawh hi a hril dawn a. Round 5 a chhiar zawh tur AC 7 a awm a, Round 4 awmna AC 12 a awm a, Round 3 awmna AC 18 awmin Round 2  a chhiar zawh tur AC 3 a awm a ni.

Zing dar 8:00 atanga vote chhiar tan tur niin Postal Ballot chhiara bultan a ni dawn a, Postal Ballot chhiar tan a nih atanga minute 30 hnuah EVM (Control Unit) a vote tlate chhiar zui nghal a ni ang. Vote chhiar lai hi Candidate, Election Agent leh Counting Agent-te’n a hmunah an en thei ang.

EVM (Control Unit) a vote tla chhiar zawh vek hnu hian AC tina Polling Station 5 a VVPAT a vote tla (paper slip) te chu EVM (Control Unit) a vote tla nen a inmil em tih finfiah zel tur a ni a, VVPAT chhiar turte hi pawhfuh hmanga thlan tur a ni. Hetianga VVPAT-a vote tla chhiar (mandatory verification) hi inthlanpui hmasaah khan AC tina VVPAT pakhat zelah neih a ni a, kumin inthlanpuiah hian AC tinah VVPAT 5 zel chhiar tel tawh tur a nih dawn avang leh heng VVPAT te hi a ruala chhiar lova a indawta chhiar tur a nih avangin vote chhiar hun chhung pawh a rei phah hret thei dawn a ni. Counting Centre hrang hrangte leh vote chiar dan tur kimchang chu hetiang hi a ni:- 

Vote chhiar hi rang leh felfai taka mipui hnena puanzar a nih theih nan District hrang hranga Counting Centre tinah Media Centre dah zel a ni a. Vote chhiar result-te rang leh felfai zawka phuahkhawma mipuite  hriat tura puanzar zung zung a nih theih nan CEO Office, Mizoram chuan a hnuaia tarlan ang hian ruahmanna siam a ni:-

STATE CONTROL ROOM:

Location: ICT Video Conference Room, 4th Floor, Old Secretariat Building - I.

State Control Room No: Telephone No. : 0389-29543932

Mobile No : 8787622508

Whatsapp No. : 8731806897

State Control Room hnuaiah hian peng pawimawh hrang hrang hetiang hian din a ni bawk:-

A. COMMUNICATION & IT CONTROL ROOM:

Location: State Data Centre, Department of ICT, 2nd Floor, Old Secretariat Building-I.

Counting Hall/Assembly Constituency tina round tin vote chhiar result-te lakkhawm zung zung a nih theih nan Data Collection Team siam a ni bawk.

B. MEDIA MONITORING CONTROL ROOM:

Location: ICT Video Conference Room, 4th Floor of Old Secretariat Building -I.

C. REPORT/STATUTORY FORMS COLLECTION TEAM:

Location: Establishment Branch, CEO Office, 3rd Floor of Old Secretariat Building-I.

General Election to the Mizoram Legislative Assembly, 2023 kalpui mekah hian November ni 7, 2023 khan boruak muanawm tak hnuaiah hlawhtling taka vote thlak niin, zan dar 11:50 ah zawhfel hman a ni a. Repoll ngaihna awm chhun 20/13 Muallungthu Polling Station-ah chuan November ni 10, 2023 khan repoll tluang taka neih a ni a, Mizoram puma EVM hmanga vote tla zat chu 80.66% a ni. Heng bakah hian Postal Ballot hmanga vote thlak (Home Voting, Facilitation Centre Voting leh Service Voter) te awm bawkin vote chhiar fel zawhah inthlanpuia vote tla zat dik tak (EVM leh Postal Ballot hmanga vote tla zat belhkhawm) a hriat theih dawn a ni. General Election to the Mizoram Legislative Assembly, 2023 atan hian Assembly Constituency 40 ah chuhtu Contesting Candidate 174 an awm a, hmeichhia 16 awmin bial 18 ah an ding a, Independent-a ding mi 27 an awm bawk.

General Election to the Mizoram Legislative Assembly, 2023 a Political party-te leh Independent candidate neih dan chu hetiang hi a ni:-

Vote chhiar hun sawn tura dilna leh ngenna nasa tak Mizoram atanga dawnte ngun taka a ngaihtuah hnuah ECI chuan General Election to the Mizoram Legislative Assembly, 2023 atana vote chhiar hun tura ruat December ni 3, 2023 (Pathianni) chu a tuk December ni 4, 2023 (Thawhtanni) ah sawn a nih thu December ni 1, 2023 (Zirtawpni) zan khan a ti chhuak a; vote chhiar ni thlak tih loh chu General Election to the Mizoram Legislative Assembly, 2023 kalpui kawnga schedule siam dangte erawh thlak a awm lo a ni.

Election Commission of India (ECI) atanga thupek hmuh bawhzuiin Commissioner of Excise & Narcotics, Excise & Narcotics Department, Mizoram chuan General Election to the Mizoram Legislative Assembly, 2023 atana vote chhiar ni tura ruat December ni 4, 2023 (Thawhtanni) hian Rule 5 of the Mizoram Liquor (Prohibition) Rules, 2022 in thuneihna a pek tlawhchhanin Mizoram pumah zu khap burna ‘Dry Day’ puan a nih thu a chhuah a, he thupek hi vote chhiar zawh thleng kenkawh a ni ang. Dry Day puan a nih chhung hian Military Canteen atanga zu zawrh chhuah leh in khap tlat a ni a. He khapna thupek hi mipui nawlpuiah chuan Dan dinglai hman mek a ni.

Election Department chuan boruak muanawm tak hnuaia vote thlak a nih ang bawkin vote chhiar pawh kalpui a nih ngei a beisei a; hemi tur hian Candidate, Political party-te leh mipuite tawiawmna a ngen a ni. Model Code of Conduct (MCC) hi inthlan kaihhhnawih zawng zawng zawhfel a nih hma December ni 5, 2023 thleng chu hman chhunzawm zel tur a ni tih Election Department chuan mipuite a hriattir nawn leh a ni.